كلمات اسامة فؤاد حنا هات ايدك
هات ايدك فى ايدى انكاجيه ......... انت متعرفش بحبك اد ايه
نتفسح ف الهرم وع الكورنيش......... الجيب فاضى وانا معييش
ناكل ترمس ونقزز لب ........... و لما نجوع نشبع حب
بص يا سيدنا وبص يا بيه انا وحبيبى انكاجيه
هات ايدك فى ايدى انكاجيه ........... انت متعرفش بحبك اد ايه
الناس تبص علينا وتحسدنا ......... على الحب وعلى سعادتنا
ننسى الدنيا وكل الناس .......... عايشين دايما اجمل احساس
مع بعض صبح وسواريه انا وحبيبى انكاجيه
هات ايدك فى ايدى انكاجيه .......... انت متعرفش بحبك اد ايه
ونحلم وادينا عايشين ......... ناكلها بدقة ومبسوطين
ده الحب باين فى عنينا .......... والشوق لامتى مكتوب علينا
ازاى ممكن نداريه و انا وحبيبى انكاجيه
معانا او حتى ممعناش . ......... فى نظرنا الدنيا متسواش
والسعادة مش فى المال .......... او خاتم سلوتير وانسيال
ولو معييش غير ربع جنيه هامشى معاك انكاجيه
فى اى مكان نتفسح .......... ولو حتى فى مولد نتمرجح
منعرفش ملل و كابه .......... وكاننا فى شرم ا وطابا
انت الكون و مافيه وكفايه انا وانت انكاجيه كلمات اسامة فؤاد حنا
ليست هناك تعليقات:
إرسال تعليق