( فى عيد الشرطة ) م/عبالحميد سالم
لو العيد الشرطة ف تعظيم سلام وأقوم واقف
ولو أجازة عشان ثورة 25 ف معلهش أنا أسف
دى رجعتنا سنين كتيرة ولسة من توابعها بنآسى
وعلى قدومها شفنا الفقر واللى فجرها طلع لاهف
******
مهو اللى بيحمى وطننا ويقدم دمه روحه هدية
وع الخونة والعملا والإرهاب إيديه بتبقى رزية
وعشان كده نحتفل بيه ونحييه على كل بطولاته
وتفضل مصرنا الحبيبة بجيشهاوشرطتها محمية
********
ثورات الخراب العربى ياما دمرت بلاد خضرا
شوف إلى حاصل ف اليمن وف تونس الخضرا
ولا العراق بلد الرافدين وابقى عدى على سوريا
وليبيا سكنها الدواعش رافعين فيها الرايات سمرا
******
يحميكى ربى يا مصر بولادك خير جنود الأرض
ياللى ترابك عشق وشرف ويزيد كمان ع العرض
بيحاربوا ف كل الجبهات وأرواحهم على كفوفهم
مهو أصل الشهادة ف سببلك عقيدة سنة وفرض
ليست هناك تعليقات:
إرسال تعليق