مش كل حضن
.................
مش كل حضن
هيبقى بيحبك
أحضان كتير
هتمشي وتسيبك
فيها ناس كتير
عامله بتحبك
وأول ما تعطيك
ضهرها تعيبك
لما قلت بتحبهم
قلتها بقلبك
كان مالك ومال
الجرح يصيبك
أمنت بالله ده
مقدر ومكتوب
ومهما تعمل ما
تاخد غير نصيبك
يلي مسكت الهوى
طلع الهوى دايب
مال حباله عته
والنصيب خايب
دخلت حبك صبي
طلعت ليه شايب
كنت بتشمت في
المبتلى وعليه بتعايب
وقت مادقت الهوي
صار الهوى غالب
سلمت أمرك ليه
وكان موقفك سالب
طعنك بجرح الهوي
والجرح كان دايب
يلي نويت ع الحب
تعالى واتعلم
قبل ماتغرق فيه
وتعيش وتتألم
اسأل مجرب لوعته
وقلبه كده سلم
كان فاكر انه حبيبه
وبيكتب ويتكلم
طلع خالي الوفاض
والدرس كان قاسي
لما فرشله الحرير
وخدعه باوصافه
يلي انت ناوي الخداع
والطبع فيك ظالم
خلتني ليه احبك
وربك هو العالم
هى القلوب عندك
كده لعبة
عيشته ليه ف اوهام
حسسته بالغربة
.....................
الشاعر / مجاهد المصرى
عاشق البنفسج
ليست هناك تعليقات:
إرسال تعليق