جوه منى
***********
جوه منى كتير مشاعر
لسه قايمه تتولد
والكلام م الروح مهاجر
والقلب جوه بيتجلد
جوه منى حرف حاير
تايه ف كلمه بتتفرد
معمول لها على نجم طاير
من القصايد تتعئد
وانا من صغرى اكتب مشاعر
مابين ضلوعى بتتنفض
وانا ال عمرى ماكنت شاعر
ولا أقدر ع الشعر اعترض
لكن المشاعر كلامها ساحر
ف ثوانى تشق ليل الظلام
وتشقشق الفجر ليوم نهار
وتودع الليل من غير كلام
جوه منى كتير مشاعر
مولوده ف قلبى من سنين
واقف ادام معانيها حاير
خالطه فرحى بدمعى الحزين
دمع سايل منى استجار
وعل الخدود علم علام
لا ف ليل يجف أو نهار
وقت السكوت او كلام
م/محمد بدوى أبوالعلا
ليست هناك تعليقات:
إرسال تعليق