لما الحب
............
لما الحب ينادي عليك
ابعد عنه الله يخليك
اوعي تقرب منه لتندم
كل الويل ده هيوريك
لما الحب يخبط بابك
اوعي تفتح لو لأحبابك
هم اليوم ده أقرب ليك
بيحبوك ويخافوا عليك
لكن بكره هتدفع تمنه
وهتطلع ياحبيبي عنيك
فمتفرحش بضحكة ليك
على مايسحب كده رجليك
ضحكته صفرة وتخليك
تندم وهتكره اراضيك
لما تشوف الغدر ف طبعه
وحبيبك ولا يسأل فيك
هيزلك ويزل انفاسك
وتخبط في الحيط كده راسك
وهيبيعك ال شريك
هيشيب شعرك قبل اوانه
وهتتقلب في احزانه
خليك عاقل الله يخليك
اوعي تطاوعه لما يجيلك
اقفل بابه الله يهديك
اوعي تقولي الحب نعيم
جنة وفرحة وحلم جميل
لما هتخلص كده بداياته
تظهر ناره وجرح اليم
لما حبيبك كده يتغير
وعليك يفضل كده يتأمر
الصبح يزلك ويمسيك
انت هتدفع تمن الحب
ولا هتعذب غير القلب
وهتسهر تنعى لياليك
لما الحب ينادي عليك
ابعد عنه الله يخليك
اوعي تقرب منه لتندم
كل الويل ده هيوريك
.......................
كلماتي / مجاهد المصرى
عاشق البنفسج
ليست هناك تعليقات:
إرسال تعليق