كل العمر وانت حبيبتي
حضنك حياتي ودفا بالعيد منك لقلبي اهدي
حبك سرى بالشريان عمل ادمان هو مقصدي
جاية حتى عيدك بمية بوسة وإنت رح تعدي
بين البوسة والتانية تخربطي وترجعي تبدي
وإن سألتك قديش صار العدد دخلك لا تردي
بقطف من حمرة خدودك باقات حبي ووردي
وباخد من زهر شفايفك ألوان وبرسم مجدي
غطيكي برموش عيوني وبغفيكي على زندي
كل يوم كل سنة أنت حبيبتي وغيرك ما بدي
وتضلي ست النسا وعيونك أغلى شي عندي
لفي الكون ما بتلاقي حدا حبك بجنون قدي
تبقي ساكنة قلبي وكل عيد وكل العمر حدي
الشاعر م/علي الحلاق
ليست هناك تعليقات:
إرسال تعليق