بتقرب وتتعشم
**************
دلوقتى بس جاى تندم
عشان ضيعته من ايدك
عاوز تحلم لنفسك حلم
لا هيفيده ولا يفيدك
جاى تتقرب وتتعشم
وتداوى ف الجرح بإيدك
داوى ف الجرح ولملم
كل العمر اللى ضاع منك
جاى تشكى منه وتتألم
انه لا حاسك ولا شايفك
وجرحك اللى عمره مالم
واللى معرفش يداويه بعدك
دلوقتى بتضرب كف بكف
عشان عمره ما قربلك
وليه بيعاملك بحده وعنف
علشان ما معلم فيه جرحك
تعالى نقدم كشف حساب
مين فينا اللى كان غلطان
ومين أتخلى فينا وساب
وقول للزمان ارجع يازمان
ليه مستنى منه عتاب
على حاجه مر عليها زمان
والذكرى اللى كات ف كتاب
مين صانها ومين كان خان
اوعى تخش جدال وعتاب
انت البايع والخسران
كان بيوارب ليك الباب
لما يحس انك زعلان
رايح تتعشم فيه وتقرب
وتقدم كل فروض الطاعه
ودلوقتى بيبعد وبيهرب
ولا يتمنى وجودك ساعه
م/محمد بدوى أبوالعلا
ليست هناك تعليقات:
إرسال تعليق