رمي الهم العم......
شفتاك تخمم
حياتك كاملة وأنت تخدم
لحلاوة مكاينة فاللحم
ولا حتى فالشحم
كاينة فالعظم
فهم يا الفاهم
راه واحد النهار غادي تندم
فهذا الزمان
ما بقى ما يعجب
ما بقى حد احشم
لي تكول قريب
هو لي يكول العيب
لمقدم ولا افهم
إوصل اللقمة لفم
ما كاين غير و لاد هلاب
إهرسو الكلة ويديو الحلاب
إدخلو من الشرجم
وخليو الباب
واش هدا صواب ؟
عيش نهار تسمع خبار
فالنهار القهار
حتى من لحباب ما تسلم
إزيدوك فالهم
إعصرو القلب
حتى إسيل الدم
لي سولتيه إكول هو ليفهم
حسن ليك تسد الفم
بلا ما تندم دعوة الوليدين
معك تخدم تسل الشوكة بلا دم
الزجال: عبد القادر بوعساس
ليست هناك تعليقات:
إرسال تعليق