الورد لما دبل قال للشوك واسيني .....
قاله كنت فين لما الكل حبك ونسيني
الورد لما دبل قال للشوك عزيني
قال له ليه والكل ب يكرهني يانور عيني
دلوقت افتكرت إن لك شوك يواسيك
وانا اللي طول عمري باحميك
والناس ترميني وتدفع الفلوس
فيك وبالغالي تشتريك
انا الشوك الكل يخاف مني ويرميني
انا الشوك سني حامي وعودي صلب
إنا إن دبلت بردو شوك باشك وأجرح
ًً اللي يحاول يقرب منك علشان احميك ويحاول ينزعك مني ويبعدك عني
طول عمري ملازمك ياورد
ما يبعدنيش عنك غير العشاق
ومحبي الورد من الاحباب
وفي كل مناسبة جميلة بادعي ربنا .
يبعد عني وعنك العشاق
بيسرقوك مني ياورد بيحبوك
ويفرحوا بيك وللعشاق يهدوك
ويكرهوا الشوك اللي حاميك
وادعي وأقول يارب ابعدهم عني وعنك
ويخليك ليا يا ورد انا باكره
كل اللي شاريك وللمغرمين يهديك
هو ذنبي إني بأجرح واشك
او ذنبي اني بحبك وعايز احميك
انا باعشقك ياورد واموت فيك
وبروحي ودمي يا ورد افديك
مش عايز حد يخدك مني ياورد
ياوردانا زي الفريك محبش شريك
وأنت ان دبلت يا ورد عبيرك باق فيك
وان جفت اوراقك زينوا البيت بيك
هذا عزائي ياورد ومواساتي ليك
(فتحي عطيفي)
ليست هناك تعليقات:
إرسال تعليق