السبب بسيط جدا
( مقالة ايقاعية باللغة المحكية)
بقلم ..مرقص إقلاديوس
........
سألني..ايه أخبار صاحبك.
قلت له ..سألته فكانت إجابته،
..الجسد ..همدان.
..القلب..للحب شرقان.
..النفس ..زهقان.
..الروح و العقل..قلقان.
قال لي ..يكون صاحبك فقد الإيمان.
قلت له ازاي ،ده بيصلي كل الصلوات و بيصوم كمان.
قال لي ..تكون الحياة..معانداه.
قلت له..دي الحياة نعمة ، ربنا بيها جاملنا.
..احنا كنا ايه ..احنا كنا فين ..قبل ما يبدعنا.
قال لي و إنت رأيك ايه.
.........
قلت ...
ربنا استخلف الإنسان على الأرض لكي ما يعمرها.
و اعطى له عقل يوزن كل الأرض.
و اعطى له قلب .....إن أحب...يصير حبه شجرة ،
تضلل الخلق فروعها.
و ابدع جمال كتير كتير على الأرض .
تتمتع بيه عينيه و روحه....... بس عليه يصونها.
قال لي..أمر عجيب جدا ..
..رغم ده كله..مش لاقي بين البشر واحد فرحان..
قلت له..السبب بسيط جدا..
..صحيح البشر بيؤمنوا بربنا..
..حقيقي الخلق بيحبوا الحياة، هناك و هنا..
إنما ..الإنسان..
..فقد الإيمان..
..في الإنسان..
ملاح بحور الحكمة ..مرقص إقلاديوس
ليست هناك تعليقات:
إرسال تعليق