حال الدنيا.......
حال الدنيا ياناس
مش، مريح، كل الناس
وبيريح ناس
على حساب ناس
حال الدنيا
مش، بريح حد
ولا راضي عنه حد
شفتو ضعاف النفوس
اللي يقدر على غيره يدوس
في الدنيا
وتعبنا حال الدنيا
شوف معايا واسمع
انا قلبي بيتقطع
واوعى للكلام تقطع
لان حال الدنيا يقطع
جيران بالحيطان
الله يرحم زمان
وأيام زمان
كان طبق واحد ياجدعان
النهارده العيش، والملح مش، تمران
وكله في غيره طمعان
عملو زي الحيتان
تبقى فين الموده ياجدعان
مش، هوا دا اللي وصي عليه البني العدنان
وعاوزين يحلو لكم حال الدنيا
قولو ازاي
حتى القرايب
مفيش منهم غير المصايب
ليه كدا ليه
يحصل كل دا ليه
لما القريب يبعد ليه
ولا يرد مهما تنادي عليه
فين صلة الدم
فين الأخ فين ابن العم
هوا جري ايه جتكم الهم
خليتوا العيشه غم
في الدنيا
لما تعبنا حال الدنيا
اسمعو تاني مني
مفيش حاجه تطمني
فيه مصيبه كمان
هو فيه ايه ياجدعان
لما يكون الأخ بالشبه
ابدا مايرد مهما عليه تنده
عامل لك ودن من طين
وودن من عجين
ليه كدا ياموحدين
وعاوزين تبقو حلوين
ازاي ومنين
.
احنا اللي تعبنا الدنيا
وحال الدنيا
اسمعو مني تاني
لسه فيه حاجه تعباني
امتى يعود الصدق من تاني
لما يكون الصحاب بالكدب
ارحمنا منهم يارب
تعبو لنا، القلب
قدامك ملاك
ووراك يتمنى لك الهلاك
كل شويه يغير الكلام
ماهي معاه مش فارقه
انت صاحب والسلام
يصدق لما يكون في زنقه
قولو ازاي نعيش
مع بعض وناكل عيش
دا في الدنيا ميساويش
خيانه الملح والعيش
ياعم خليك صالح مع غيرك
يحلو حال الدنيا لك ولغيرك
بقلمي محمدسليمان
ليست هناك تعليقات:
إرسال تعليق