سهران ........
سهران لوحدي
والنوم مجافي عيوني
والقلق حالف يمين
مايخلنيش اغمض عيوني
والسهاد مصمم يقلق راحتي
ويطير النعاس من جفوني
خايف من بكرا ياناس
ومش عارف مخبى فيها ايه
ياترى اماني حلوة وايام بيضة
ولا تعاسة وعذاب حمانا الله
الغيب بعلم علام الغيوب
بس الايام اللي بتمر علينا
بالسنة النحس دية
كلها شقاء وعناء وظلام
دي ازفت سنة بتمر علينا
وعلى كل البشرية
يارب عديها على خير
وابعد عنا شرها واذاها
ياالله بقدرتك ياعظيم
دمر البلاء الفظيع
كورونا اللعين
يارحمن ويارحيم
افني الكورونا واحرقها
وانسفها وادفنها
قادر ياكريم
يارب العرش العظيم
ياالهي تكون دي اخر سنة
احزان واتراح بتمرعالبشرية
من خوفنا ورعبنا من المستخبي
ماعدناش عرفنا ليلنا من نهارنا
عايشين والرعب مالي قلوبنا
ياترى حاندفن الفيروس اللعين
ولا هايسبقناوهو يقضي علينا
رحماك ربي بك تستغيث
وبك نستعين ونستجير
النصر المبين والفوز العظيم
على عدو البشرية اللئيم
وبالله المستعان
فهو المعين والمجير
١٧ يوليو تموز ٢٠٢٠
عارف البديوي
ليست هناك تعليقات:
إرسال تعليق