السبت 25 يوليو 2020
علاش ابنت لفشوش.....
بلا حشما بلا خوف
تشطحي والناس تشوف
لبنات خرجو لزنقا
ولاو يكلو القرقوبي و ليكستا
فمهوم بحال الى راعيات فالجيفا
مشينا فيها خلا
قسات لقلوب
ما بقات تنفع هدرا
راه في قلبي جمرا
فالدار حتى مرا ماتلقا
اش هاد لعياقا
الرجال ولاو ياكلو فالزنقا
لعيلات فلعراس ديرات فرقا
اتجمعو ديرات حلقا
فلعزا بالنميما دايرات الجوقا
واش ما بقا حكام فالدنيا
الحيا ما بقا
المدونة حكمات
قضات على تعدد الزوجات
لمرا على الرجل نصرات
حتى ولا اطالب بالمساواة
الوقت تقلبات
هاعلاش لعونوسة كترات
نهزو لهوم لعلام
نكولو يا سلام تقدا لكلام
يا بنادم باركا من الدنوب
رجع او توب لرب المعبود
هدي قصيدة ما فيها كدوب
غير لي بغا اقراها بالمكلوب
الزجال : عبد القادر بوعساس
ليست هناك تعليقات:
إرسال تعليق