الضحكه أنواع......
مين قال لك ان اللى بيعلى
ضحكته سعيد فرحان
ممكن بيدارى بضحكته
همه وهو من جواه حزنان
رب النفوس أعلم بأسرارها
فى الاعلان والكتمان
فى ناس بتضحك لأجل
ينسوا جرحهم والأحزان
لو شفته تقول ياسعده
ياهناه وفرحه وهو زعلان
وناس بتضحك قدام من
يتمنى لها شر او شمتان
وفيه ابو ضحكه صفرا
لأجل يخبى نيته ماتبان
واللى بيضحك وضحكته
خبيثه بيتشفى وشمتان
و اللى بيسخر بضحكته
مش عاجبه حال الزمان
وضحكه سعادة ورضا فى
صحبه الاهل والخلان
وضحكه ملعلعه ناديه
وصافيه من البنات والشبان
وضحكه وليد معاها تفرح
و يزول الهم والإشجان
لا كل ضحكه مسره ولا كل
ضحكه صاحبها فرحان
ا. الشاعر /عبد المنعم حمدي رضوان
ليست هناك تعليقات:
إرسال تعليق