ضحى عشان مصر بعمرك..بروحك اسامه صبحى ناشى ..

ضحى عشان مصر بعمرك..بروحك 

طلع فى عدوها ..غل جروحك ..

كمل فى عشقها اللى فات من طموحك ..

ابنى فى سماها ..بروجك وصروحك ..

ضلل عليها انته ..بورقك وفروعك ..

ولو استدعى الامر ..

خد الطعنه بدلهه ..فى صدرك وضلوعك ..

مصر منتظره منك كتير ..

نجاحك تفوقك ..سطوعك ..

نفسها تلف قلادة النيل عليك ..

تقديرا .. لانطلاقك ونبوغك ..

مصر منتظراك بقالها زمن ..

لحظه نضجك ..وبلوغك ..

لحظة جريان النيل فى شراينك وعروقك ..

ولما الانسان على حب بلده ..يستقر ..

يبدأ طريق النجاح ..وفيه يستمر ..

رغم وجود ..هيصه ولغط ..

وكلام كتير ..كله عبط ..

يفضل حبيبك ..اللى لازم تبلعله الزلط..

ومصر مش مجرد حبيب ..

دى قدر ..ونصيب ..

وحبيبك مش لازم يبقى على كيفك ..

مش لازم يبقى هواه واحد ..فى شتاك وصيفك ..

وممكن يبقى عنده رأى خلافك ..

وبس اوعى تنسى ..ان ضحكته ملت الدنيا ...لما شافك ..

اللى ينقد مصر ..بس اللى عايش فيها ..

اللى حارب عشنها .. ولسه مستعد يحميها ..

اللى اقضى احلى واسوء ايامه على كوبرى قصر النيل ..

اللى حبه للهرم وشارع فؤاد .. يدرس لكل جيل ..

اللى نسج حبه للجزيره والكورنيش ..شعر ومواويل ..

عمرك دقت طعم وسط البلد فى اى مكان ..

عمرك شوفت غروب شمسها ..والالوان ..

عمرك حسيت بخلعة القلب ..مع السفر ..

طب شميت ريحة الارض فيها ويه المطر ..

مصر فيها حاجات كتير ..مش الكل يفهمهه..

وناس كتير مايعرفوش ..معنى الوان اعلامهه..

مصر ..ارض واصحاب وعيله وحب ..

مصر ..لهفه وفرحه وبعد وقرب ..

مصر ..كيان وعنوان ..ودقة قلب ..

يا مصر ..جميلك على الراس ..

وهنفضل طول عمرنا ..على مجدك حراس ..

وحبك ..اسألى عنه الفؤاد ..

فطره وطبيعه ..زرعها فينا الاجداد ..

مهما حصل .. بحبك ..ولا شك ..

وانتى بتسامحى واحد ..فى كلمتين يتفك ..

يا استحملتى ..

كلام فاضى وشتيمه ..وعك

اسامه صبحى ناشى ..