قالوا علينا
.............
قالوا علينا كلام مش فينا
قالوا علينا كلام كتير
يطعنونا ورانا في ظهورنا
من غير داعي بدون تبرير
ناس مش طايقه كده نفسها
والجبن فيها طبع أصيل
كل يوم بشكل ولون
بارعين جامد في التمثيل
تألف كل يوم في حكاية
وعيونهم تنكر كل جميل
ناس الحقد فيهم غالب
وللكراهية تملي تميل
ارحم نفسك انت وهو
قلبك م الكراهية عليل
اشغل نفسك بس بحالك
فكك منا بلاش تضليل
اصلح انت من أحوالك
سلوكك ده محتاج تعديل
سيب ياسيدى الناس لخالقها
وبلاش انت القال والقيل
عينك دايما كده فضحاك
ظاهر منها كل دليل
انك كاره حاقد حاسد
قلبك فيه الحب قليل
بدعي إلهي يصلح حالكم
وينجينا من أفعالكم
هو القادر رب جليل
..........................
الشاعر /مجاهد المصرى
عاشق البنفسج
ليست هناك تعليقات:
إرسال تعليق