،،،،صفحة وإنتهت،،،بقلم الشاعر/رمضان البربري
علمتني الدنيا كتير
وطوحتني زي الطير
أخدت فيها دروس كتير
وأهم حصة حصتك
بينت أصلك المداري
أول مطب قمت جاري
بعد ما كنت ليك شاري
فت قلبي و قسمتك
خلتني أندم علي إللي فات
والعن معاك الذكريات
حبك عاش ولحظة مات
بعد ما حسبت حسبتك
لما دارت الدنيا بيا
وراحت كل حاجة ليا
كنت إنت أولي بيا
إدتني ضهرك وسكتك
كان نفسي تصبر وطول بالك
وبكرة الدنيا كانت تحلالك
ويتغير فيها حالي وحالك
ومتبعش في لحظة دنيتك
بس النهاردة حياتي إبتدت
و صفحتك يدوب إنتهت
علمتني فن الدروس
بعد ما خدت مني نسبتك
ليست هناك تعليقات:
إرسال تعليق