مات حسني مبارك
.........................
مفيش واحد في الدنيا
اتفق عليه اتنين
دايما ليه هتلاقي
محبين ومعارضين
احنا اختلفنا عل كل حاجة
حتي منتجات الصين
مات حسني مبارك
وانا في رأيي ده راجل زين
حلف بترابها ما يسيبها
ولو اخدوا عنيه لاتنين
ولا يفارق كده ترابها
وضحى بكل غالي ثمين
معملش زي كاني وماني
وفرت دمعته م العين
وقال هسيبها تتهني
واسلم سلطتي لأمين
يصون مصرنا الغالية
ويحميها من الخاينين
مات حسني مبارك
وبدعي رب العالمين
يرحمه ربي برحمته
ويحمي مصر م الشياطين
.................................
الشاعر /مجاهد المصرى
2020/5/25
ليست هناك تعليقات:
إرسال تعليق