أبويا
*********
ايه اللى باقى من الزمان
غير مكان
وبيت قديم متكسره فيه البيبان
ومتشققه فيه الحيطان
بان عليها هلك الزمان
مخيم ف أركانه السكات
وجوه منه ذكريات
لسه باقيه من عمر فات
والعمر اللى كان ع الباب يبات
عدى بسرعه من سكات
وراح الزمان من فتره غاب
وامبارح أبويا كان م الشباب
عدى الزمن وف لحظه شاب
وكل الشعر فى رأسه شاب
وماسك فى إيده عصايه غاب
ضهره أتحنى
وم الحمل اللى على ضهره إتنى
وف إيده عكاظه إتبرى
والقوه اللى فيه راحت سدى
مابقتش تساوى قطرة ندى
وعلامات الكبر بانت عليه
والرعشه اللى جت مسكت إيديه
والقوه اللى فيه
إتحولت ف لحظه منه لعكاظ إيديه
والضعف ملامحه بانت عليه
وكنت بخاف دايما عليه
وف كل حركه أمسك إيديه
واللى باقى من قوته ف قبضة إيديه
كان هو ضهرى وكنت بتسند عليه
وبعد شيبته انا السند اللى يستند عليه
/محمد بدوى أبوالعلا
ليست هناك تعليقات:
إرسال تعليق