قادرة تنسيني
...................
هو انت ليه قادره تنسيني
وتبعدي عني وتعذبيني
ال كان بينا ده ايه
حب ولا كلام أغاني
كل ما أوصل للنهاية
ترجعي الصفر تاني
هو انت ليه سعيدة
لما أكون انا بأعاني
أنت حابه تبعديني
ولا حبك ليا فاني
هو قلبك أصله إيه
تبعدي وترجعي تاني
كل عمري وهبته ليكي
مفيش مرة كنت أناني
الكلام الحلو قلته
و المستحيل معاكي فعلته
أعمل إيه يا معذباني
كل يوم تبقى بحاله
وبعدي عنك إستحاله
مقدرش أبعد لو ثواني
إرسي على بر حبيبتي
بفرح بيكى لو عاتبتي
ليه بسكوتك ده خنقاني
يوم حبيبتي تفرحيني
وشهور تعدي تتعبيني
فكري لو مرة علشاني
مش هسيبك مهما يحصل
تقربي تبعدي أجمل
بلقى في تفاصيلك جناني
هفضل احبك للنهاية
ولا حد هيحبك سوايا
لو حد فكر هيبقى فاني
.................................
الشاعر /مجاهد المصرى
عاشق البنفسج
ليست هناك تعليقات:
إرسال تعليق