خاص بالمسابقة
قلبي وعقلي
......................
قلبي وعقلي احتارت ما بينهم
قلبي يقولي ده هو بيحبك
وعقلي يقولي سيبك منهم
كفة قلبي دايما تربح
ويقول ليا بلاش تظلمهم
حن ياعقلي وبلاش نخسر
ال في نن العين شايلنهم
بين العقل وبين القلب
محتار مين يكسب في الحب
كل حنان الدنيا في قلبي
امتى يحن العقل يارب
أصعب حاجة تحب بعقلك
يجعل كل حياتك حرب
قلبي يقولي حب وعيش
وعقلي عاملي فيها درويش
خايف بكره يقع في مطب
كل واحد يتحدى التاني
قلبي يحب وعقلي أناني
القلب يقول ده سكن وجداني
وعقلي يقول هتعيش وحداني
عايزين محكمة تحكم بينهم
وعلى الحكم الله يعينهم
كل واحد يرضى بأمره
ويفضل حبي ده حاير بينهم
..................................
الشاعر /مجاهد المصرى
عاشق البنفسج
ليست هناك تعليقات:
إرسال تعليق