مش هي دي أم الدنيا
مش هي دي مصر بلادي
مش هي دي بلد الأمان
لما يموت كل يوم ٣٠
شهيد وأكتر كمان
تبقي مش دية بلادي
تبقي مش بلد الأمان
عايشين في مدبح ولا فين
نازلين بنقتل يلا مين
الدور عليه ويكون ضحيه
لما تسود في عنينا
دنيا كله شايفها نور
لما يخدوا الفرحه منا
لما يعملونا بقسيه
لما جيشنا في أرض سيناء
كل يوم فيه تفجيريه
لما نزرع لما نبني
لما أرض بلادنا نحمي
والمقابل يبقي موتنا
وتسيل دمانا لسيناء تروي
تبقي مش دية بلادي
تبقي مش بلد الأمان
لما أموت ميت ألف مره
كل يوم م الخوف في جلدي
علي اللي مني واللي ليا
لما أكون مستني موتي
في كل لحظة تفوت عليا
لما أكون معرفش موتي
جايلي من أنهي مكان
تبقي مش دية بلادي
تبقي مش بلد الأمان
لما الشوارع يبقي فيها
خوف ورعب
لما الشوارع يتمنع منها الأمان
لما نمشي في بعض نقتل
لما نسرق خير فقير
لما نهتك عرض إنثي
ولا نخطف واد صغير
لما ننزع من قلوبنا
حب،رحمه والحنان
تبقي مش دية بلادي
تبقي مش بلد الأمان
(((.. مصطفى دسوقي..)))
ليست هناك تعليقات:
إرسال تعليق