طوال الزمان أو قصار....
الزمان كشاف ميستر
بلا ما نهضر
تكشف السر
ما عمرها كانت صادقة
ولو مرة فالعمر
قلبها قصح من لحجر
أش هد الزهر
تبين ليك سنيها
تقول تضحك ليك
أوهي نوية على الشر
كيتها ما نساها حتى لقبر
ما بقى فيا نفع غير نغبر
الله إعطيني الصبر لي ما يضر
نبات أو نضل نهدر
من الصباح حتى لفجر
تقول ليك انت لعمر
أو هي بانية ليك على الغدر
هد الشي واضح او باين
حتى لقليل النظر
خاب ظني فيك
كلام معسول ويكوي بالجمر
هد الشي مكتوب او مقدر
راه كاين فالقضا ما كتر
الزجال : عبد القادر بوعساس
ليست هناك تعليقات:
إرسال تعليق