قلبي الطيب
.................
قلبي الطيب ينسى ألامه
لما يشوف حبيبه قدامه
قربه بيبعد كل ألامه
وينسيه همه وأحزانه
قلبي الطيب فرحان بيك
لما يشوف النور في عنيك
خليك جنبه الله يخليك
أوعى في يوم تجرح وجدانه
لو سألوني عنك راح أقول
إنك نادر مش معقول
بدر منور ليلي على طول
قلبي معاك عايش أيامه
قلبي الطيب حبك انت
احسب شوف مجنون من إمته
اوعي تسيبه يعيش في العتمه
وتصحيه من أحلى منامه
يلي البدر غيران منك
انت جميل من صغر سنك
شهد النحل يسيل من فمك
بتعزف على وتره وألحانه
قلبي الطيب يتمناك
سهران ليله بيستناك
هو هنا وانت هناك
بس الروح للروح عطشانه
مش هتنازل عنك يوم
عن كل الخلق راح أنا اصوم
يامسهرني أعد نجوم
الروح من بعدك تعبانه
..........................
الشاعر /مجاهد المصرى
عاشق البنفسج
ليست هناك تعليقات:
إرسال تعليق