قلتهالك
................
قلتهالك م البداية قلتهالك
مش هطول انت معايا
وان قصير قوي مشوارك
كنت بترسم جوايا فرحة
وانت بتحرق قلبي بنارك
قلتهالك
ليه خليتني احبك ليه
وأعزف ليه انا على اوتارك
كنت بتقول ان انت حبيبي
وان هوايا عدي وزارك
قلتهالك
ليه قتلت الفرحة في قلبي
و استغنيت وبعدت وبدارك
كنت فارشلي الأرض براح
كنت بتتشوق افراح
جي دلوقتى تقول أعذارك
قلتهالك
إن الفرحة دي مش هطول
وإني هعيد وارجع م الاول
كنت مستني استنفارك
لا وتقولي مش راح أسيبك
همسك في ايدك وابقى حبيبك
ساب قلبي الدنيا واختارك
قلتهالك
يلي الحب مقدرتوش
ودمع عيوني مرحمتوش
كان ليه م الاول إقرارك
إنك عمرك يوم ماتسبني
تفضل جنبي ولا تبعدني
ماخلاص دقت انا كل مرارك
قلتهالك
..................................
الشاعر /مجاهد المصرى
عاشق البنفسج
ليست هناك تعليقات:
إرسال تعليق