بنات كايرو ....بقلم/ اسامة فؤاد حنا

بنات كايرو  اسامة فؤاد حنا
اه من بنات كايرو
لما يتدلعوا ويتمايلوا
فى كل حتة وركن
تشوف الدلال والحسن
البنت من المعادى
نظرة عينيها بتنادى
ما احلاها بنت بلادى
ويا حلاوة بت المطرية
شايفها رايحة وجاية
حتة شكولاتة وعسلية
والحلوة من الهرم
محلا الجمال والكرم
يارب منها ما اتحرم
وبنت مصر الجديدة
دايما جريئة وعنيدة
لكنها حلوة وشديدة
ويا عينى على حلوان
بناتها اشكال والوان
اخر طعامة  وجنان
وبنات مدينة نصر
احلى بنت ف مصر
بودى ابنى لها قصر
وبنات المهندسين
بنات اصلى ومتدلعين
اروح من عينيهم فين
والبت من الجيزة
لها مية ميزة  وميزة
بنوتة حلوة ولذيذة
والحلوة من عين شمس
صوتها زى الهمس
يارب بيه تحس
والمزة من الضاهر
حلاوة من الاخر
جمالها للكل ظاهر
واه يا بنت الدقى
يا ريت عليه ترقى
تعالى على قلبى ودقى
وحبيبى من الزمالك
ماحلى عودك وجمالك
امتى يا روحى وصالك
والقمراية دى من شبرا
طيبة راضية وصابرة
فى الرقة فن وخبرة