لَوْ حَ ناكلها بدُقَّهْ ... مش ح نقولّك لآّه
أصل المصري جسور ... وقت الشدّه صبور
ملايين تلاتين يونيه ... هِمَّه و عْزم و جُرأةْ
علشان مصر الغالية ... أم الراية العالية
حالفين راح نبنيها ... مهما نضحِّي و نشقي
لَوْ حَ ناكلها بدُقَّه
ـــــــــــــــــــــــــــــــــــــــــ
واثقين فيك عارفينك ... يا منقذ أوطانّا
ندعى المولى يعينك ... ونكمّل مشوارنا
مصر بدون أَزمات ... ولا عشوائيات
ولا محتاج و لا عاطل ... ولا أطفال طرقات
يبقي لكل مواطن ... لُقمه و هدمه و شقَّهْ
وعشان مصر الغالية ... أم الراية العالية
حالفين راح نبنيها ... مهما نضحى و نشقي
لَوْ حَ ناكلها بدُقَّهْ
ــــــــــــــــــــــــــــــــــــــــــ
الثورة بابطالها ... وانت لوحدك ثورة
أمن . أمان وعداله ... بسمه لأجمل بكره
عايزين مصر جديده ... بالأفراح تتمخطر
مستقبل تغريّده ... يغزل توبها الاخضر
يبقي لكل مواطن ... لُقمة و هدمه و شقة
وعشان مصر الغالية ... أم الراية العالية
حالفين راح نبنيها ... مهما نضحى و نشقي
لَوْ حَ ناكلها بدُقَّهْ
ــــــــــــــــــــــــــــ
احمد محمود الشاذلي
ليست هناك تعليقات:
إرسال تعليق