(حب مدروس)
لو أنت ناسى
أفكرك أنا أبقى مين
يا ابو قلب قاسى
مناك رضايا من سنين
بست الأيادي وبست رأسى
لجل قلبى يزيد حنين
قلبى وعقلى الكل عاصى
تبقى إنت كحل عين
شربت منى مر كاسى
الكل ليك كان بيواسى
لأنك محروم م الحنين
لومت يومها هجر قلبى
قولتلة ياقلبي لبي
يمكن مكتوب ع الجبين
أتارى حبك مش أساسى
طمعان أصلا فى الكراسى
والطمع دا شيء وراثى
وكل اللى عايزة التمكين
قلبى ما هامك
كل اللى همك
تنول رضايا وتبقى مين
طمعك فى مالى اللى فضحك
ما قدرت تدارى عبطك
وإنكشف للكل خيبتك
روح ياشاطر
ناقصك لسة علام سنين
اه لو صبرت وملكت قلبى
وارتويت من بحر حبى
كان زمانى كلي ليك
قلبى ومالى كلهم
كانوا بين إيديك
روح ياشاطر صحي ضميرك يداويك
كدبك وطمعك ألأتنين
ضحكو عليك
أشكر ربك ع القليل
هو يراضيك
وعلى كدبك ونهجي دربك ربى يجازيك
نبيل عبد الحليم
٢٦/٨/٢٠٢٠
ليست هناك تعليقات:
إرسال تعليق