امسيات الحسن . .19/ 8/ 2020
قصيدة :
( حنين )
بقلم الشاعر : حسن حلمى
ما تستغربش علي حالك
دا في منك كتير زيك
وما تقوليش انا مالي
مهو حالك ده من حالي
ومستنيك تقول الصبح
هينور بشمسه نهار
وتصحي تقوم كده بدري
تشوف البدر ومدور
بشوقه اليك
ينادي عليك يناجي العين
يقول لسه الطريق بدري
في مشوارك
مدام العمر قدمنا نفكر
ليه في احزانا
انا رسمك بحلم جميل
ومستني يغيب الليل
لصبح نفسي علي صورتك
بوش بشوش بيتكلم
يصبح بس ويسلم ويتبسم
لنور الشمس من بدري
ويرسم ضله علي الشطين
يقولي خطي ويسمي
يانور العين انا صورتك
ولا مفارق حنان ضلك
منا منك ومن دمك
وريدي بيجري في عروقك
وحاضن ضل عين ننك
مهي منك وبتسلم
بترسل بس مراسلها
وتحكيلي مواجعها
تقول فينك يابدر الليل
ده انا من غيرك اتالم
ولا اتكلم بطول الليل
لحد ماشوف نهار طالع
وهالل بدره ومنور
راح اجري عليه
واخبي ضلوعي بين ايده
ولا اتكلم
كفايه يحن ويسلم
ودمع العين بيتالم
بيسقي الورد لعيونك
لتضحك ليله وتسلم
ما تستغربش علي حالك
منا زيك و بتالم
بطول العمر هتكلم
و
مستنيك تيجي تسلم
ولا تخلص ليله حكاوينا
منا منك وانا زيك
وبتالم
ومستني ليجي الصبح وتنور
يا نور شمسي وبدر نهار
بقلم الشاعر : حسن حلمى
ليست هناك تعليقات:
إرسال تعليق