أغراب يا وطن أغراب .....
رجع زمن قابيل والغراب
وصارة الجثث فوق التراب
لا دفن وقطع الحناجر فوق الحراب
وجوه مقنعة والدم متل المطر من المزراب
وحكام يغتصبوا حليب الطفل ويخلعوا البواب
وملوك بين النهود بالعلن ومافي حجاب
والقدس صارت تنوح وبكي زرياب
وفيروز قلبها موجوع وين الحباب
بيروت توب عرسها غرئان بالدم
من رأسها حتى الكعاب
وبغداد قتل واغتصاب والجنين بالرحم شاب
والشام تاه العقل والياسمين ضحية ذئاب
وأحمد شوقي تحت الثرى دموع وعتاب
والنيل حن لأم كلتوم وعبد الوهاب
ورجع جفاف عهد يوسف وفرعون عاري من الجلباب
وملوك تطبيع مع ابن صهيون
والقدس صارت سجن وشعاب
أخخخخ يا وطن تفرقوا لحباب
وصار النا الف الف خيمة
لا شباك ولا باب
وصرنا عرب رحالة نستجدي كرامة
ونبحث عن وطن ونرجع الغياب
وحاملين ذكريات فوق ظهورنا متل حطاب
وتراب الوطن ممزوج بالدمع متل نجم بالظلام غاب
طفل يحمل حجار ومن الموت ما يهاب
وأم الشهيد تبحث عن وطن
وتلطم خدوها بالتراب
وين العدل وين العدل صرنا عن وطنا غراب
.......................
مع تحيات شاعر فلسطين
......نبيل شاويش...........
ليست هناك تعليقات:
إرسال تعليق