##مابين_نايم_وبين_قلقان
مابين نايم وبين قلقان
صحيت م النوم على صوتها
ازيك وعامل ايه
ومابتسالش ليه عني
واحشني بجد ايوه واحشني
بتتكلم بصوت مبحوح
كأن الشخص ده مدبوح
صوتها يوقف النبضات
صوت مليان دموع واهات
وبتعيط بتنهيده
تهز جبال رواسي شامخات
شايفها في حلمي واقفه
في اوضه مقفوله
شايفها في حلمي بالإحساس
منيش شايف لكن حاسس
سيناريو الحلم كان ضايع
لكن الحلم كان واقع
وواقع قلبي أنا مني
خوفاً مني على حالها
منيش شايف لكن سامع
وحاسس روحها بتسيبها
وف نفس الوقت بتمانع
حقيقة حلم م الاحلام
فيه البنت بتنازع
وبتراجع شريط القصه
م الاول ويتحول حلمي
لليقظه وتتحول كل
كلماتنا سكوت شاسع
وأقوم م النوم
وأقوم م النوم
وأحاول أجمع الأحداث
ومش عارف
وأقول أرجع وأكمل نوم
يمكن حلمي يتكرر
وأقرر أنام عشان أحلم
وأعيد الحلم من الأول
وألاقي قراري مش نافع
وبسترجع ذكريات فاتت
ليه القصه دي ماتت؟؟؟
وليه الحلم ماكملش؟؟؟
وليه الوقت وقت
ماكُنا ماوقفش؟؟؟
وليه حكايتنا ملانا؟؟؟
وتتمني هي ليه رجوعي ؟؟؟
في عز الفُرقه ملكانا
وليه مشتاقه للقانا ؟؟؟
وغصبن عني ليه دموعي
بتفيض وعيوني مليانه ؟؟؟
(((.. مصطفى دسوقي ..)))
ليست هناك تعليقات:
إرسال تعليق