راقت لى فكتبتها على ثلاث مراحل هذة اولها
ولو حازت الاعجاب سوف يتم نشر باقيها
(حدوتة حسين)
امى قالتلى ياواد ياحسين
نفسى يابنى أفرح بيك
سنك عدا التلاتين
عنجيب لك واحدة تهنيك
قلت ياستى نجيبها منين
قالت عندى ع نهديها ليك
بنت جميلة وطبعها زين
بس يارب يوافقوا عليك
قالت أفرح يا نور العين
قالوا عيجيبوا منين زييك
بس ابوها لة شرطين
بنتة لا يمكن تختلى بيك
قلت قبلت ياام حسين
قالت يابنى اللة يهديك
ليلة الدخلة تقول قمرين
بنت جميلة ولبسها شيك
اما ياناس دا حتة فرسة
قلت ابداء اغازلها بقرصة
من خيبتى وقعت ف ورطة
طلعت يابنى طرشة وخرسة
خالى قالى اصبر ياحسين
انت واد طيب وغلبان
اول حظك كان مش زين
بكرة نشوف الشيخ شعبان
انت حبيبى ونور العين
بنتة جميلة جمالها جنان
شوفنى انا ولا ام حسين
ضحاكة وضحكتها جنان
من غير ما شوفها قلت امين
قالى ابوها راجل شبعان
المهر يابنى يادوب قرشين
انت واد زين وغلبان
ليلة الدخلة رعد وبرق
قولت اكيد هناك فية فرق
باين ع تبقى وش السعد
يادوب لمحتنى نزلت فرك
دخلت الشقة تقول مغارة
ولا طالق فيها حمار ة
ماسكة عود عملاة سيجارة
قولت دا ليلة عتبقى شرارة
مديت ايدى اجس النبض
نزلت فيا ضرب وعض
قولت الضرب دا يمكن فرض
هاجت وتمت مرعونة
اتاريها ياخالى مجنونة
جانى عمى حلفلى يمين
قالى خلاص ياواد ياحسين
قلت ياعمى مافيش ضمير
باينى ذنوبي ذنوب كتير
بكرة نكمل يمكن خير
انتظروني نبيل عبد الحليم
13/6/2020
ليست هناك تعليقات:
إرسال تعليق