(غياب الضمير)
خالى قالى ياواد يانبيل
فية تعديل ياد ف التموين
أمك ماتت من شهرين
روح يابنى أعمل تنزيل
لسه قايلى الحاج جميل
اوعى ياخالى يكون تخمين
قالى يابنى دا حق اصيل
فية تثبيت وفية تنزيل
لقيت الناس واقفة طوابير
وبيشتم فيهم غفير
قلت ياواد الصبر جميل
يابناقص الشيخ تموين
المكتب مفتوح لة بابين
ناس طالعين وناس داخلين
والطوابير ذادوا طابورين
والنسوان نازلين لطيم
جانى من جوة خالى حسين
مش خالص ولابعد يومين
ادخل صبح ع الحلوين
وبين خشم الخمسين
قلت ياخالى نمد لمين
قالى المكتب له درجين
دخلت لقيت الست نفين
إستحرمت ادفع خمسين
لمحت إيديا فاضيين
قالت دورك ف الطابورين
مستعجل عدى علينا بعد يومين
ركنت شوية وحدة يمين
كل الناس نازلة تشخليل
ما تقفشى نص دققتين
قالى الغفير اخرج يانبيل
يامفنط شخلل شخليل
ياتطلع ويا المساكين
قلت فى داهية الخمسين
حطيتها بين ورقتين
قالت لا مؤاخذة ياحاج نبيل
يااساتذة ما انتوا شايفين
الحاج دايخ بقالوا يومين
حد يلطخلة الختمين
وقولولة إحنا اسفين
وانا طالع قابلت امين
ماسك ف ايدية عكازين
فكرى الناس معايا حلوين
قلت امانة ياست نفين
ظروف الراجل ذى الطين
كالعادة فاتحة الدرجين
قالت الحاج دا لة تأ مين
مال التأمين ومال التموين
قالت يجينى كمان شهرين
شوفتوا الرشوة جميلة اذاى
بقلمى نبيل عبد الحليم
23/6/2020
ليست هناك تعليقات:
إرسال تعليق