الفقرة الاخيرة للمسكين حسين
انا راجع ومعايا اسرار
يدركها كل الشطار
وتناسب كل الأعمار
ونكمل لحسين مشوار
فى يوم انا رحت السوق
شفت بنت جمالها لفوق
بس الفقر ليها يعوق
اتخبطت وفى ايدها شنطة برقوق
لميتة قالتلى تشكر ياذووق
وساعتها غمزلى الشوق
حسيت بيها الدنيا تروق
الواقعين هما الشطار
اسمك اية قالت أسرار
انا فيكى عقلى محتار
وليكى قلبى مختار
وياريتنا نبداء مشوار
قالت
انا بنت ماليش فى الكار
وابويا قاعد فى الدار
شغال مقاول انفار
زورنا ونحكى المشوار
ابوها قاااااال
قالى وراك ياحسين حكايات
قلتلة نشرب شربات
صوتة علا بالضحكات
وقال مرحبتين مرحب سلامات
نتكلم ف الالتزامات
وتقلل بقى ف الحوارات
قابلين بيتك لو بالطين
وف بيتك تبقى راجل زين
وتحلى لسانك دايما باللين
ومتجيبش حاجة بالدين
ع نشيلك ع الرأس والعين
مش عايز قاعة ولا كوشة
ولا شقة بسجاد مفروشة
ولا حتى فريزر ولا شاشة
واللازم بس فى الفيشة
وبلاش اوضة اطفال
ليه ياحسين نسبق اقدار
واوضة سفرة مفيش
ومش جايب حاجة للنيش
والله زيك مافيش
لكل اصحابى ف يوم دعيت
وللمصاريف ايدى لميت
ولباب بيتى انا سكيت
وللاقساط ما فيوم نعيت
عشان على شيك مامضيت
وبليلةالدخلة اتهنيت
وبطعم الفرحة حسيت
وبأعلى صوتى ناديت
لا للمغالاة فى المهور
لا للاسراف فى التكاليف
لا لإجبار الأبناء على الاختيار
لا للصيت ولا الغنى ف الاختيار
لان الوزير يحرس بيتة غفير
والغفير هو فى بيتةوزير
هذه رسالة وددت توصيلها لكل صاحب عقل
اخوكم فى الله
نبيل عبد الحليم عوض
13/6/2020
ليست هناك تعليقات:
إرسال تعليق