انا جيت بوعدى...
من غير يمين
عارف حبايبنا منتظرين
جانى عمى حلفلى يمين
قالى خلاص ياواد يا حسين
عندى ليك جوازة زين
تكحل بيها رمش العين
بيها تسدد كل الدين
متربية وصاحبة دين
ولسانها موصوف باللين
عندى ليك جوازة فوق
بنت اصيلة وكلها ذووق
وبيها الدنيا ع تروق
ومعاها للشهد تدوق
صغيرة سن واسمها شوق
قلت ياعمى دا سوق خسران
وانا ليهم مانيش ولهان
ومن حظى مانيش زعلان
وطبيعى صايبنى الحرمان
ومش عايز نكون ندمان
قالى اهدى ياواد ياحسين
مالك تم كلامك شين
روق بس وسيبنى يومين
جانى عمى يوم الاتنين
مهر شوق يصير ألفين
نجيب منين انا الألفين
قالى اسكت دا انتا حزين
ميراثها مليون ونص
ومرسيدس بصوتها ماتحس
وقطعة ارض على حدودها العين ماتبص
وايديها مرسوسة رس
بس مامتها ليها شرطين
دخول وخروج ممنوع لتنين
وميراثها تاخدة كمان شهرين
نقرا الفاتحة
ياعم حسين
انا ع البركة قولت امين
ليله الدخلة الشقة عطور
والبنت تسر سرور
وبيها انا مبهور
مساء الورد والياسمين
قالت اهلا يا نور العين
اهلا بالناس الغاليين
اللي ف قلوبنا ساكنين
ومحناش على بالهم خاطرين
قلت اداعبها بكلمتين
قالت وحشني يا ضى العين
ومشتاقلك ليا سنين
قمت قطعت الهدمتين
قالت ان الله مع الصابرين
قوم اتعشى بحمامتين
ومعاهم رومي فرخين
وعلى صدرى نومك ياحسين
كلت وصابتنى ياناس تخمة
ونمت من كتر الوخمة
جعان وكلت من غير رحمة
وصحيت ف الليل م الزحمة
قالت سيبنى ننام ساعتين
قلتلها دا الساعة اتنين
على رأسها ايدى حطيت
قمت من نومى نطيت
قلت ياواد انت اتخطيت
لقيت رجليها عند الحيط
طاب ايدى انا فين حطيت
البنت طويلة وفرعة
جامدة وماهش خرعة
على رأسها بصيت بسرعة
من حظى نلاقيها قرعة
فى الحظ المايل نعمل اية
قولى بسرعة ياسيدى البية
اقولك بكرة ع اعمل اية
ع تنتظرونى بكرة ولا اية
بقلمى نبيل عبد الحليم
13/6/2020
ليست هناك تعليقات:
إرسال تعليق