امسيات الحسن . .17/ 6/ 2020
.لسه نور الصبح بدري.
بقلم الشاعر : حسن حلمى
لسه بدري عن غيابك
لسه نور الصبح بدري
لسه نجمك نوره باين
لسه شمس الدنيا غايبه
ليه مخبي نور خدودك
ولا نسمه لعطر عودك
انت غايب عن عيوني
بس لسه العطر فايح
عطر وردك جنب فلك
لما ضحكتلي عيونك
ولا ورده فوق خدودك
يطرح البستان بنورك
لسه فاكر حضن قلبك
كل دقه تقول بحبك
احيا بيها العمر جنبك
وافدي بيها نور خدودك
بس شاور نبض قلبك
راح يقولك لسه فاكر
كل لمسه من حنيني
لسه عطره فوق جبيني
انت فاكر ولا ناسي
كنت اهلي وكل ناسي
كنت تلمسني بعيونك
تقرء كل حروف غرامي
قبل ما تسلم ايدينا
تقول عيوني كتير وحشني
كنا زي النسمه بدري
تحضن الغصون وتجري
تسمع العصفور يزقزق
يختفي نورك وتبعد
بس اقولك لسه بدري
لسه نور الصبح بدري
هل يلا بنور هلالك
قبل ما يغيب نور جبيني
ياللي عطرك من حنيني
بقلم الشاعر : حسن حلمى
ليست هناك تعليقات:
إرسال تعليق