شجرة العشم ////// محمد سليمان

بعد اذنكم نعيش حبه بالعشم
ونشوف الدنيا عامله ايه
في العشم
زرعت شجر عشم كتير
طلع فيه العشم برضه كتير
بس فيه الصالح
وفيه من غير ضمير
وفيه اللي بحساب
وفيه اللي كله تبذير

وليه ياعشم بتغلبني
الناس بتاكل وتتعبني
وبالكلام اللي بتعذبني
ياعم ماهو فيها الموده
اللي علي ايدك شده
وفيها كمان حب
واكفنا يارب شر وجع القلب

ماهي الشجره تطرح وتدينا
وبخيرها علينا مش بخلانا
بس الناس منهم ااااااااه يانا

منا ليا زي ماليك
وراعيني منا مراعيك
واللي في ايدي في ايديك
وكله بالعشم

ياعم ماهو الشجر طارح
واخد منه وانا سارح
بس الطعم غير امبارح
علشان اتغيرت النيه
وبقت مش هيه
ومكنش العشم
في شجرة العشم

واسمع مني كلام بقولو
خلي بالك من صاحبك لو مشي مش هطولو
وحافظ عليه مهما العزال يقولو

وبقول يارب بالعشم عني عليه
واللي ياكل معانا يطمر فيه
والعاصي يارب تهديه
ويزيد العشم

في شجرة العشم

مع خالص تحياتي
محمد سليمان