لا تطيل السهر *** بقلم الشاعر درواس السراج

لا تطيل السهــــــر يا ليل يوم الهموم
في قلوب الكبار اكبر مـــــــــن قلوبها

ولا تعامل قروم القوم مثـــــل الرخوم
ما يْتساوى أجـــــــــور الناس وذنوبها

وخل صدرك وسيع وخل قلبك رحوم
لا تصــــــــــدق وشايا الناس وكذوبها

كل ناجح بهالدنيا كثيــــــــر الخصوم
غيرة اهل الفشــــل ما تجهل اسلوبها

انت ياليل ما تجهـــــــل خفايا العلوم
المســـــــــــــرّات خلّك دوم مندوبها

ويا فوادي تصبّر قبل شــــــق الهدوم
المآسي لـ بد يْبيــــــــــــــــن مقلوبها

وبدّل اصحابك اللـي بين بدر ونجوم
بابتسامة تشوف الخيـــــــر فـ دروبها

درواس السراج