#### ياحمام ####
روحي ماگصت تذاكر طارت بجنح الحمام
شالت من الغربه فيزه ورجعت لدار السلام
ياحمام اسمع وصيتي لاتطب بغداد والوادم نيام
وشوف أطفال المدارس قبل لايبدي الدوام
أوگف ب باب المعظم وانحني وأدي السلام
إبتديها من الرصافي وبوس شباچ الإمام
وشوف أمي أدري متغرب گلبها من الهيام
وأدري شعر الصار أبيض وراح لونه شكد حرام
ياحمام وياك سلم عالزهاوي وإقره بالمقهى المقام
الله يعين كل مغترب عن وطنه
بقلم جاسم محمد المشهداني
ليست هناك تعليقات:
إرسال تعليق