مالش دعوة********* بقلم عارف بديوي

• ماليش دعوة 
• باللي جرالك 
• ماكنتش قاصدا أشغل بالك 
• ولاكان في ظني أولع نارك 
• انت قلبك رهيف قوي 
• دوختك من أول نظرة 
• دوبتك من ضحكة حلوة
• اعملك ايه وانا مالي 
• حد قالك تهواني 
• عشان تحرقك ناري
• اتحمل ياروح امك 
• حاسب تلعب بيه 
• لحسن يحرقك رب البرية
• انا مسكينة ياناس 
• بنام حافيه من غير مداس 
• الحق مش عليا 
• الشبان حايمين حواليا 
• دايبين وهايمين بيا 
• ربي خلقني حلوة قوي 
• والولاد مهلهلين قوي 
• مايتحملوش نظرة عنيا 
• ولا همسة ولا إشارة من ايديا 
• ماليش دعوة ياناس 
• غصب عني اكوي قلوب الناس 
• لاني دهب والماس 
• ومافيش زي في الدنيا 
• قمر مصور وشمس مضوية 
• مش شايفه حالي خالص 
• دلوعة ومهلبية 
• وباستنى بختي وقسمتي 
• عايزه راجل يحس بدمعتي 
• اللي رايدني يسجل دور 
• ويوقف في طابور 
• ويقدملي طلب رسمي 
• ويستنى الموافقة ولا لأ