- ياريتنا زغار
- @@@@@
- يا ام العيون الدبلانه
- عطرك بيفوح
- وبسيرتك دايما شغلانا
- مترح منروح
- فيه سر فى عينك خلانا
- نكشف ونبوح
- وشعورنا المحبوس جوانا
- يطلع ويبان
- قدك ياللى انا كوره بيدك
- قدك مياس
- والورد المفروش على خدك
- عاوز يتباس
- وانا قلبى ال مفتاحو بيدك
- ووراه ترباس
- والبدر بيطلع من عندك
- يعزف الحان
- لو عطرك ع المرجه ينسم
- غار الياسمين
- او ثغرك فكر يتبسم
- هيشع حنين
- وحنانك لما بيتجسم
- ماحناش عارفين
- ده طريقك
- واللا انتى طريقك
- على خط النار
- قابلينى واياكى تخافى
- لوم الحُسّاد
- ده انا شيلتك ياما على كتافى
- من واحنا اولاد
- والهمس ب رغيك فى ودانى
- دايما يتعاد
- والعشره والود الصافى
- ف كل لركان
- ومحدش هيسبنا ف حالنا
- طول ماحنا اتنين
- حوالين الشجره الوراقه
- زارعين ياسمين
- وف قلب الشجره العملاقه
- قلب بسهمين
- ومابين الباقة والباقة
- كرت لسنين
- وياريت الدنيا السراقه
- تركتنا زغار
ملتقى النور للادب و الشعر
مدير عام المجلة
الخميس، 7 مارس 2019
ياريتنا زغار @@@@@ محمد العمراني
الاشتراك في:
تعليقات الرسالة (Atom)
ليست هناك تعليقات:
إرسال تعليق