- (( باللهجة العامية المصرية ))
- أنا بترجاك ..... كلماتي / محمد أمين محمد حسين
- ــــــــــــــــــ
- أنا بترجاك تبعد عني ،،، وكفاية عذابك ارحمني
- بقىَ بعد الحب وأحلامه ،،، ازاي عُشاق ياخدوك مني
- وراجع اليوم تطلب ودي ،،، وتقوللي دا كان غصبن عني
- أنا بأترجاك ..
- أخلصت في حبي وحبيتك ،،، ونسيت العالم علشانك
- ليه تصدق كل اللي قالولك ،،، ان أنا خلاص بعت غرامك
- وهجرت ورحت بعيد عني ،،، ما فكرتش يوم حتى ف جرحي
- ليه جايلي اليوم تطلب ودي ،،، وتقول لي دا كان غصبن عني
- أنا بأترجاك ..
- سهرت عيوني الليل ما تنام ،،، علشان أرضيك وأرض أحلامك
- وأنا جنبك كنت عايش في الآم ،،، وأنت ولا خاطر على بالك
- على حبك ايه أنا يجبرني ،،، تراضيني وترجع تخاصمني
- وآجي أعاتبك تقضل تحلف لي ،،، وتقول أنا آسف مش قصدي
- كفاية أرجوك أرحل عني
- أنا بترجاك صدق قلبي .. ! القاهرة يوم الثلاثاء 13/3/2019م
ملتقى النور للادب و الشعر
مدير عام المجلة
الأربعاء، 13 مارس 2019
نا بترجاك ..... كلمات / محمد أمين محمد حسين
الاشتراك في:
تعليقات الرسالة (Atom)
ليست هناك تعليقات:
إرسال تعليق