- كاس عناب
- @@@@@
- كاتب عليها
- بخط نسخ بديع
- عربيه مرسيدس
- ياناس للبيع
- مية غسيلها
- لسا نازله تشر
- ولونها ازرق نيلى
- زى الماظ حر
- زى العروسه
- وليها نظره تسر
- رفعت لى ضغطى
- ودوقتنى المر
- سيد خميس
- صاحبى وعزيز غالى
- وباختصار
- ناوى يبيعهالى
- يوم الخميس
- قدم لى كاس عناب
- وصاحبو طارق
- خد وراه الباب
- قبض خميس مهرها
- وعقدلى كتبكتاب
- وادانى مفاتيحها
- و اوراقها
- وفك عشره جنيه
- ع الناس وفرقها
- فتحت بابها
- وقولت بسم الله
- قولتيلها دورى
- سكتت مرديتش
- ياحبيبتى دورى
- تك تك وماداريتش
- ورجعت بيها البيت
- ساحبها بونش
- ميكانيكى قاللى
- كرنكها مكسور
- والكهربائى يابيه
- دى عاوزه موتور
- عملت عمره
- وقولت بس تدور
- ورفعتها فى جاراش
- وجالها زبون
- كان من جيراننا
- وكان قريب شكرى
- شكري اللى فاتح
- ف الزتون سماك
- وجاب ميكانيكى
- معاه وفلاها
- والفرحه جوا عينيه
- وعينيا شايفاها
- خد منى مفاتيحها
- واوراقها
- وكتب كتابها
- وراح لها وساقها
- تانى يوم رجعلى
- ودمعتو ف عنيه
- يابيه دى فيها عفاريت
- وجن يابيه
- ووقفت ساعه معاه
- عتاب ع الباب
- وعملت تلو بايديا
- كاس عناب
- @@@@
- محمد العمرانى
ملتقى النور للادب و الشعر
مدير عام المجلة
الجمعة، 8 مارس 2019
كاس عناب @@@@@محمد العمرانى
الاشتراك في:
تعليقات الرسالة (Atom)
ليست هناك تعليقات:
إرسال تعليق