- ايام المعيز
- @@@@
- ياااه
- ياعم ادريس
- انتا لسه بتفوت
- وتخبط بايدك ع البيوت
- ده انت بقالك
- شهور مبتعديش
- نسيتنا
- واللا الآشيه بقت معدن
- من التهبيش
- واللا انتا ليه صحيح
- مبتصليش
- ده انتا بينك وبين القبر
- مافيش
- والربو ماسكك
- والزمان معاديك
- انتا اكيد عملت حاجه
- ف دونيتك
- وربنا بيبليك
- معقوله كل ده
- علشان
- سرقت جدى زمان
- من وسط المعيز
- وكان سمين وتخين
- ولفيتو بالبطانيه
- السودا
- اللى لهفتها
- من سريت اللنجليز
- وهوهو
- وعضك
- وطلع كلب سعران
- ومطلعش جدى سمين
- ها ها ها ها ها
- خيبه بعيد عنك يابيه
- ده الكلام ده بقالو سنين
- بالزمه يابيه
- مش برضو حاجه تغيظ
- ادينى اهوه بلف وافوت
- وادور اشحت م البيوت
- وده يدينى
- وده يقوللى مافيش
- والمعاش مبيقضيش
- ده ياريتها ترجع
- ايام المعيز واللنجليز
- على الاقل الواحد
- كان كريم وعزيز
- @@@@@@
- محمد العمرانى
ملتقى النور للادب و الشعر
مدير عام المجلة
الأربعاء، 6 مارس 2019
ايام المعيز@@@@@@ محمد العمرانى
الاشتراك في:
تعليقات الرسالة (Atom)
ليست هناك تعليقات:
إرسال تعليق