- قلبي اتحرق
- لما شفت النار بتمسك فيك يا خويا
- كأنك ورق
- ملعون أبو اللي فسد ، فين الرجولة
- عيشة النفق
- والإل، كانوا هما أسباب الغروبة
- قطر إنطلق
- فرغ عنيه م الدولة وم الحكومة
- فينا إترشق
- إرهابي ذي من دنس أرض أبويا
- آخر رمق
- نتيجة سكوتي ع الي سرق لو كان أخويا
- موتي في نفق
- زى حرق قش محمي جوة ف الطبونة
- قال لى وصدق
- موت على الحق أشرف من طلب المعونة
- لو قلت لأ
- وآكل تراب، وروحي وكرامتي مصونة
- عيشة الهفق
- آخرها زي الورق يتحرق و النار تخونه
- دا الموت علينا حق
- واللي سكت ع الحق شيطان في قوله
- يا اللي نجيت م الحرق
- ورحت نمت الليل بطوله
- ضميرك فين ؟ إتحرق
- لما سبت أخوك بطوله
- وسط وهج النار
- شهق
- وغيره ما هز طوله
- مبروك نجاتك م الحرق
- بس سيف الظلم هيطولك بطوله
- .......وائل سعيد ......28/2/2019
ملتقى النور للادب و الشعر
مدير عام المجلة
الخميس، 7 مارس 2019
قلبي اتحرق********.وائل سعيد ......28/2/2019
الاشتراك في:
تعليقات الرسالة (Atom)
ليست هناك تعليقات:
إرسال تعليق