عاشق نعيم جنتك
يا مصر وترابك
من يوم ماجيت الحباة
واقف على بابك
مستني ساعة صفا
نفسي أبوس خدك
وأتوضا بمحبتك
يا مصر مين قدك؟
حالف برب الناس
لأرفع رايات النصر
وأفضل على العهد
وأبنيلك قصور من ماس
وأفديك بالروح
وأهدم حصون الغدر
وأحميكي من شرهم
وأهد من هدك
يا مصر يأأم الكرامة
وأم العرب والدين
أولادك السمر قاموا
شمروا الساعدين
زادهم كاسات الصبر
واتلحفوا بالطين
حالفين على نصرتك
هايعدوا مليون بحر
ويهزموا الخاينين
عشان أنتي أعظم وطن
والكل عاشقينك
لو غيبت عنك سنة
باشتاق وبارجعلك
ليست هناك تعليقات:
إرسال تعليق