،،،هنت عليك،،،بقلم الشاعر/رمضان البربري
للدرجادي هنت عليك
ولا كلام الليل ممسوح
مش أنا إللي لعبة ف إيديك
ولا يمكن بسري أبوح
أنا عاشق وليا حدود
ولا يمكن أكونلك مجروح
ولا يمكن أضيع بالوجود
وهجرك كان شيء مطروح
إرحل وامشي ومتلاوعش
وامشي وخطي ومترجعش
قلبي خلاص مهيسألش
ندمك أسفك مهيفرقش
كل الدنيا ولا هتساوي
وقلبي ليك كان مخاوي
وانسي لحظات الهناوي
وعيشي علي دموع الغناوي
ولا ينفع تكون صديق
قلبك كان اغلي شيء
ورجع طريقة بالحريق
ورمي نفسة بالغريق
اللحظادي مش ليك
ولا حتي الدنيا حواليك
وإلهنا ضاع من لياليك
إبعد الله يخليك
ليست هناك تعليقات:
إرسال تعليق