اندمي لما الندم....بقلم / الشاعر بلبل عثمان

اندمي لما الندم
يحرق مشاعرك
كل شىء فيا انعدم
ما بقيتش شاعرك
اجني بدل الفرح خوف
خلي قلبي فيك يشوف
قهرك ودمعك
قلبي مل يقول سماح
وانكسر منك كتير
ياما منك شاف جراح
وكان على قلبك حرير
وكان أمير   
وانت كان الكبر طبعك
جه عليك الدور تتوبي
واشفي قلبي من دموعك
تتحملي كل ذنوبي
بس مش هيفيد خشوعك
هفضل اضحك وانت تشكي
لما هيزلك خضوعك
مش هو دا كان فيه شرعك
يلا دوقي من شرابك
اللي شبعتيني منه
بس وفيتلك منابك
كفى قلبي وزاد دا عنه
نفسي ارسملك عذابك
لحد ما عيونك يحنوا
للعذاب
اللي قلبي منه داب
لسه هيطول الحساب
لم قلبك يبقى بيكسر
ضلوعك
الشاعر بلبل عثمان