(بحر الغرام)
عطشان لكلمة شوق
وبحر الغرام مليان
والمية مش بتروق
وانا الوحيد تعبان
والموجة جاية لفوق
وبصوتها هزانى
لحلاوتة كلة يدوق
وصابنى حرمان
عطشان لكلمة شوق
نحس بالوجدان
بحبل الهجران مشنوق
محكوم بالإعدام
بالهجر مش معتوق
والوحدة صيبانى
نفخت نفخة ف بوق
ابعد ياحرمانى
جانى الهوى ف شروق
من نومى صحانى
طبب كل الحروق
ووهمنى شفانى
دخلت الغرام ودا سوق
الكل خسران
منة ما فية مخلوق
كان مرة كسبان
اتارى بحر الشوق
بالكدب مليان
سكران ولازم يفوق
اللى وهمان
وبيك يابحر الشوق
ما حد رويان
على الشطوط من فوق
غدر وهجران
بقلم نبيل عبد الحليم
19/2/2020
ليست هناك تعليقات:
إرسال تعليق