(يتيم )
يتيم واليتم ناداني
سكن معايا فى دارى
وطفالى شموع دارى
وقطف زهر بستاني
وساب الشوك فى اغصانى
ساق الموت واضنانى
خد منى كل حناني
وساب الوحدة ليا انى
خدها الموت وكوانى
وقطع كل اوصالى
امى كل كيانى
فرحى كان دا يوم عيدها
وحزني كان بيتعبها
ولما النوم بيغلبها
تعاندة عشان ما يقربها
عشان تعبى بيءلمها
انا عارف انا خابر
قضاء ربى علية صابر
فراقها معايا بيكابر
لازم نرضى بالمكتوب
ربى فى كتابة قال
كل نفس ليها أوان
مهما العمر بينا طال
كل من عليها فان
نبيل عبد الحليم
27/5/2020
ليست هناك تعليقات:
إرسال تعليق